Add caption

Aceh Lon Sayang

Leupah that sayang nangroe aceh lon..
Nangroe seunambong indatu moyang..
Katrep nangroe lon aceh lam damee,
Mantong chit ramee udeep sengsara

Janda-yatim, mantan kombatan..
Goh na meusapoe lagee hajatan..
Mantong na rakan goh na keureuja..
Geuroe ie mata ingat keu untong

Meugatoe thon meugantoe buleun..
Sabee lam hireun wate lon rasa..
Nyoe karap masa tapileeh dewan..
Tajoek pilihan lagee ban hawa.

Pileeh hai adeun-adoe seureuta.
Keu yang na jiwa pikee keumaju..
Bek roh neupeleeh jiwa ceurapee.
Tanyoe ditipee rakyat sengsara ..

Lon deungo haba bak rakan badan..
Ramee keudewan yang calon diri.
Adak pih meunan tanyoe akhi
Yang baik budi neupileeh rijang.

Salam

Apa Gampong

Saleum Keu Guru

Saleum lon intat keu guru sahbat..
Saleum lon meuhat doa seureuta..
Lon lakee doa bah Allah Rabbon..
Mandum rakan lon asoe syuruga.

Kota banda na simpang limomg..
Roetnan tatamong u kuta raja..
Pat na haba kureung meukeunong.
Kadang han keunong lagee seulera.

Meu'ah beurayeuk hai rakan guru..
Mandum lon tuju saban semua ..

Lon leung jaroe doa lon lakee.
Keumandum guree sehat semua..
Neubri Ya Allah guree sikula..
Beu lam bahagia hudep lam donya.

Neubri Ya Allah syuruga Tinggi..
Meutuwah bagi kamoe semua.
Dalam syuruga beusajan nabi..
Panghulee alam Rasull mulia..


Aaminnnn..Ya..Rabb

SALEUM MILAD

Peut desember Peunoh seujarah..
Awai phon Kisah nangroe mulia ...
Hajat kajeulah ngon saboh pakat.
Gerakan meuhat geususon sigra..

Gunong halimoen na lam catatan..
Teumpat peunyata aceh merdeka..
Saban seureuta ikut berjuang..
Barisan muda-rakyat biasa.

Madum atanyan tinggai sejarah..
Konfik seunjata dithee lee donya....
42 thon ktrok meusampoe..
Ingat hai adoe sejarah bansa.

Beugoet tajaga aceh tapapah..
Bek na lee bicah karu lom nanggroe..
Sabee keudroe-droe beujroh hai sahbat..
Aceh tarawat dameei seujahtra..

Meukruu..seumangat lon ireeng saleum...
Laju  ulon kheun selamat milad..
Adak pih teulat lewat si uroe..
Maklum rakan droe kon lon seungaja.

Neu Bri Ya.. Allah aceh beumaju.
Rakyat beu makmu udeep seujahtra.

Aaminnn...Ya Rabb.,

Foto : bersama M Hasan idi aceh timur.

saleum_apa_gampong.
seulamat_milad_GAM_42